文章分類: 生活點滴 (VIVIのBlog)

一起了......九年

vicky_to — Tue, 10 Mar 2009 23:39:43 +0800

二千年三月十日，我們一起了

二零零七年三月十日，金鐘AIA嘉年華幸福的摩天輪

二零零八年三月十日，我有了BB一個月

今年..........我放假在家中平淡地渡過

同事來拜年

vicky_to — Sat, 31 Jan 2009 23:00:28 +0800

今日有三個同事PeterIp, Raymond & Ricky上左黎我屋企拜年 + 探BB + 打邊爐，佢地黎左我屋企附近就去買打邊爐既野食上黎，我就係屋企湊B等佢地上黎。佢地上到黎後就負責洗野切野啦，我乜都唔洗做，幾好......XDDD，我地打到大約十點鐘到，佢地就走了！

Peter IP買了這個玉手鐲比BB，佢話好野黎嫁喎，真係八婆一名......XD

佢地還買了這盒和果子上黎，味道其實都ok，但係好甜，無咁甜會好一點！

產假後第一天上班

vicky_to — Mon, 12 Jan 2009 23:03:57 +0800

放左10 weeks假期今日終於要返工啦，真係超超超超超唔想返囉，超想唔洗做可以日日對住BB，但係為左BB既將來，始終兩個人返工會好過一個人返工，同埋唔做的話，洗錢就會無依家咁自在啦，買乜都要度住度住！所以除非中左六合彩頭獎啦，如果唔係我要努力繼續搵錢養BB！

今日第一日返工，真係好唔慣，個心always飛左去BB樹，真係超級掛住BB，所以放工即飛返屋企見BB！如果有一日無得見BB的話，我諗我掛住BB既程度唔知去到邊呢.......

除夕夜

vicky_to — Wed, 31 Dec 2008 20:55:52 +0800

今年既除夕，晴爸爸終於有假放啦，由我識晴爸爸開始，晴爸爸都未試過除夕放假既，今年佢居然有得放假，我真係第一年同佢過除夕。不過今年既除夕，我地都無出街，係屋企平平淡淡咁同BB一齊倒數，係到數時刻，我地對住個電視影相添，真係無聊到爆呢.........XDDD

HAPPY NEW YEAR！

媽媽的生日飯

vicky_to — Thu, 09 Oct 2008 23:26:02 +0800

十月十二日是我的媽咪生日，我地怕星期日人多，所以就提早今日食生日飯啦。

我地去左CWB一間日本餐店食放題，因為之前妹妹試過話OK，所以就去試下啦。我地BOOK左七點鐘，咁我同妹妹放工就自行去CWB，而浩B就接我媽咪同細佬出來CWB會合。上到餐廳就點點點野食，D野食都算好快來到，同埋D刺身都好新鮮，D刺身蝦都好新鮮同大隻，可惜我唔食得，不過我忍唔到口最後食左一隻咁大把，真係好想勁食刺身蝦呢。我地食到八點幾己經好飽了，所以就埋單歸家睇新來的小狗....XDDDD

高清DV

vicky_to — Sun, 28 Sep 2008 23:01:41 +0800

浩B之前上網睇過其他人拍出黎既sample後，最後餘下CANON & JVC 尼兩隻牌子。

今日再去百老匯試機，結果買了CANON最新款的HF11。

買高清DV做乜？當然係為左BB買的啦.......XDDDD

生病了

vicky_to — Sun, 03 Aug 2008 23:03:11 +0800

7月28日 - 浩B發燒感冒了，他獨自一個去看醫生，醫生給了他三天病假。而我就搬回娘家，免被傳染。

7月29日 - 嫲嫲生日，去了黃大仙吃晚飯。這天，我全天打乞嗤，心知不妙。

7月30日 - 生病了！一早起來，媽媽就陪我去看醫生，我發燒燒到102度，又傷風咳！之後就回家休息，到徬晚時還未退燒就致電給醫生，醫生說明天還沒退燒先再要覆診，叫我不用太擔心。我不擔心就假了......

7月31日 - 早上己經退燒了，今天沒上班，因為吃了藥太累，感冒又未好，所以在家休息。

8月1日 - 第三天病假，今天依然沒上班，但是就在家中remote回公司的電腦工作，下午又去睡覺休息

8月2日 - 短週，不用上班。整天都在家中休息

8月3日 - 因為有兩張UA禮卷到期，所以便去了看<<盜墓迷城 3>>！這集都很好看，不過我還是喜歡上兩集的女主角，跟男主角比較襯吧！

風神

vicky_to — Wed, 25 Jun 2008 17:33:28 +0800

尋晚半夜訓覺都聽到"呼、呼、呼、呼"好大既風聲，又有好大既雨聲，可想而知<風神>有幾勁！今早醒來仲係掛緊8號，yeah......唔洗返工，繼續訓覺！跟住每隔個幾鐘就用手機上網睇下<風神>咩環境，知道會在中午前改發三號時，我就盤算緊下午返唔返工好。到改掛左3號時，我媽咪就打比我叫我唔好返，浩B都叫我唔好返，佢地驚住我有危險咁！咁我就打比我老細同佢講話唔返工，我老細都叫我唔好返工，所以我就係屋企remote返公司做野喇！

原來做大肚婆都幾好嫁.....XDDDDDDDDDDD

被困半日

vicky_to — Wed, 28 May 2008 17:38:58 +0800

今日真係超級超級白痴呀，話說尋日我將條屋企鎖匙比左浩B袋，又唔記得拎返出黎，今日正當我準備出門口返工時，先醒起我條鎖匙係浩B到，而浩B今早出門又倒鎖左個鐵閘，結果我就被困係屋裹面！但係咁早，又唔敢打比浩B媽求救，驚佢未起身，所以我足足等了半日，浩B就打比浩B媽叫佢搵後備匙救我啦。浩B媽都搵左大半個鐘先搵到，佢一搵到就上黎救我喇，然後我就去返工了！

唉.........我都未試過咁白痴嫁！

夢境

vicky_to — Wed, 21 May 2008 12:42:32 +0800

我一向都好少發夢的，近尼幾晚唔知點解成日發埋D好奇怪既夢。有晚就夢見比鯊魚追住黎咬，有晚就夢到我最怕既蜥蜴，而尋晚就發夢去做產檢，個姑娘拎支好長既棉花棒出黎打入我隻手到，話尼種係新式量血壓方法，支棉花棒係手臂裹面會慢慢溶化，我聽完超驚就問個姑娘唔打得唔得，個姑娘話唔得喎，我為有頂硬上比佢打支超長棉花棒入我隻手到啦，跟住姑娘打唔晒支棉花棒入我隻手到，話要夾硬黎塞埋入去，嚇到我丫！同埋我仲夢見TATA同BEAN兩個一齊陪我去產檢，浩B唔知去左邊呀.......=_=

SHARP SX862

vicky_to — Thu, 08 May 2008 23:14:13 +0800

今日路經smartone，見到出左部新sharp手機，即刻入去試下！一拎上手，真係好輕，個mon大到靚到丫，真係想即買，不過尼部野都唔平嫁，所以最後都係返屋企睇下D評價先再決定！上網search過後先發現比起我用開果部SX833個鏡頭差左，由CCD變左做CMOS，仲要睇過d sample 相，好唔掂，質數差好遠，仲有裹面無鏡頭，即係同人3G時，我見到人，人見我唔到，人見到我時我就見唔到人，玩咩......點3G呀！尼兩個問題，真係令我打退堂鼓，之不過佢個mon靚到大到......真係令我心痕痕呀！

Update

vicky_to — Wed, 16 Apr 2008 09:21:51 +0800

好似好耐好耐都無update過個blog了.......其實係尼段時間都無咩特別事發生，每日都係返工、放工、食飯、散步，睇電視，放假都無乜地方去，好多時留在家中。不過近期我屋企裝左高清，可以睇到高清頻道，高清台真係正好多嫁，睇完高清台係唔想睇返傳統頻道囉，真係無得比！工作上，係尼兩個月都勁忙，因為又要做YEAR END喇，唉.......又要做account又要做其他野，都唔知做得邊樣，希望尼段忙碌時間快D過啦！！！

秘密

vicky_to — Mon, 17 Mar 2008 22:18:42 +0800

一個秘密

西式wedding party

vicky_to — Sun, 16 Mar 2008 22:00:25 +0800

今天十一點幾就同媽咪細佬出去沙田飲茶，好彩我地算早出去，都係等9張台，跟住越黎越多人等位，我地等左大半個鐘就有位啦，三個人點了七碟點心，一點炒麵，埋單都係百幾蚊，不算貴吧。飲完茶行陣間就返娘家，返到娘家執緊d衫就返自己屋企，等浩b訓醒就一齊去飲佢堂家姐果餐喇。

佢堂家姐係TST富豪酒店一間意大利餐廳擺西式婚宴，我都係第一次飲西式。上到去，個場其實都算ok，不過對我黎講就悶左D啦，又無野做！大約到八點就開始入席，D野係一份份咁送上黎，好似set dinner咁，有頭盤，湯，主菜，甜品同茶！不過尼度有位女侍應不得不提，佢D態度簡直不知所謂，人地調下位即，就用凌厲既眼神bear住人，又話人地調左位攪到唔知點上菜喎！尼間野上菜真係好慢，食果幾樣野都可以攪到成十一點半，仲要未問人飲乜茶，我地連茶都無飲就走了。

8週年

vicky_to — Mon, 10 Mar 2008 21:45:26 +0800

3月10日，我放假一天，因為今日係我同浩b拍拖8週年。踏入第8個年頭，變成了夫婦關係，不過感覺上跟拍拖時沒太大分別，哈哈。今天沒有特別慶祝，但我還記得上年今天在AIA嘉年華發生的事呢。

晚上去了TST的<<板長壽司>>吃晚飯，我們點了很多sushi吃，兩人共吃了四百多塊only！